Тошкент вилоятининг Нурафшон шаҳрида кунига 200 нафаргача беморни қабул қилиш қувватига эга янги оилавий поликлиника қурилиши режалаштирилган. Тегишли қарор вилоят ҳокими Зойир Мирзаев томонидан имзоланди.
Поликлиника «Янгиобод» маҳалласида 1 гектар майдонда жойлаштирилади. Қурилиш доирасида муҳандислик коммуникацияларини кўчириш ёки уларнинг хавфсизлиги учун ҳимоя конструкцияларини ўрнатиш ҳам кўзда тутилган.
