Қашқадарё вилоятидаги мактабларнинг бирида ўқувчи ва ўқитувчи ўртасида низо юз бериб, муштлашувга айланиб кетди. Бу ҳақда ижтимоий тармоқларда видео тарқалди. Вилоят мактабгача ва мактаб таълими бошқармасининг маълум қилишича, воқеа Қарши шаҳридаги 32-мактабда рўй берган.
Болалар омбудсмани матбуот хизмати хабар қилишича, вазият назоратга олиниб, ҳуқуқни муҳофаза қилувчи органларга топширилган.
Аниқланишича, 17 октябрь куни алгебра фани ўқитувчиси билан 10-синф ўқувчиси ўртасида низо келиб чиққан ва муштлашувга айланган.
Ушбу ҳолат юзасидан Маъмурий кодекснинг 183-моддаси («Майда безорилик») бўйича маъмурий баённома тузилган.
