Фирибгарлар овоз бериш сифатида тақдим этилган зарарли ҳавола орқали фойдаланувчиларнинг аккаунтларини оммавий равишда бузишни бошлади.
Бугун, 4 ноябрь куни бир қатор журналистлар ва матбуот ходимлари фирибгарлар томонидан худди шундай алдовга учраган, бундан ташқари, ўнлаб обуначилар аккаунтлари ўғирланганидан шикоят қилишмоқда.
Схема оддий: танишлардан биридан (унинг аккаунти аллақачон бузиб кирилган эди) танловда боланинг иши учун овоз бериш илтимоси билан хабар келади. Ҳавола орқали ўтиши билан мессенжерда авторизация ойнаси пайдо бўлади. Кейин одам кириш рақами ва кодини киритади - унинг аккаунти бузилган.
