8 ноябрдан бошлаб фуқароларга 2018 йил 1 майгача ўзбошимчалик билан эгалланган ер участкаларига, шунингдек, уларда барпо этилган бино ва иншоотларга бўлган ҳуқуқларини қонунийлаштириш имконини берувчи қонун кучга киради.
Ушбу қарор қуйидагиларга тааллуқли:
кўрсатилган санагача якка тартибдаги уй-жой қурилиши учун эгалланган ерлар;
расмий ҳужжатларда белгиланган майдонлардан ортиқ бўлган участкалар;
«бир марталик акция» якунлангандан сўнг ҳуқуқлари тан олинмаган ерлар;
2021 йил 8 июнга қадар туман ва шаҳар ҳокимлари томонидан ажратилган, бироқ вилоят даражасида тасдиқланмаган участкалар;
боғдорчилик ва узумчилик ширкатлари ерларидаги турар-жой бинолари;
2020 йил 9 мартга қадар тадбиркорлар томонидан эгалланган кичик саноат зоналари ҳудудлари;
хусусийлаштирилган бинолар ва иншоотлар жойлашган участкалар;
ҳоким қарори билан мулк ҳуқуқи тан олинган участкалар.
Энди фуқаролар бундай кўчмас мулк объектларини ижара шартномаси ёки мулк ҳуқуқи орқали ўз номларига расмийлаштиришлари мумкин бўлади.
