Автомобиль йўллари қўмитаси ёмон йўллардан шикоят қилиш бўйича ягона call-марказни ишга туширди.
Мурожаатлар 1393 қисқа рақами орқали қабул қилинади. Таъкидланишича, шикоят келиб тушган тақдирда, маълумотлар муаммони бартараф этиш учун зудлик билан ваколатли органларга юборилади.
Шунингдек, call-марказда йўлларнинг ҳолати ва об-ҳаво шароитлари ҳақида долзарб маълумотлар тақдим этилади, бу эса ҳайдовчиларга ўз саёҳатларини яхшироқ режалаштириш имконини беради.
Қўмита аниқлик киритишича, бузилган йўллар бўйича чоралар фақат халқаро ва республика аҳамиятига эга: М39 (Тошкент-Термиз), А373 (Тошкент-Ўш) ва 4Р12 (Тошкент - Бўстонлиқ тумани) автомобиль йўлларида кўрилади.
