Тошкент халқаро аэропортида «Тошкент-Аэро» ихтисослаштирилган божхона комплекси божхона пости ходимлари томонидан қўл соатлари ва қимматбаҳо металлардан ясалган заргарлик буюмларини ноқонуний олиб киришга уринишлар бартараф этилди.
Хусусан, Пекиндан қайтиб келган йўловчи «яшил йўлак» орқали 145 млн сўмлик соатни олиб ўтмоқчи бўлган бўлса, Дубайдан қайтиб келган йўловчи 60 млн сўмлик соат билан тўхтатилган.
Иккала ҳолатда ҳам соатлар нархи жисмоний шахслар учун белгиланган товарларни божсиз олиб кириш лимитидан ошиб кетган.
Истанбулдан учиб келган фуқаро ҳам тўхтатилди. Рухсат этилган 65 г заргарлик буюмларидан ташқари, у қўшимча 40 граммни олиб киришга ҳаракат қилган. 50 млн сўмлик ушбу заргарлик буюмлари йўловчи чўнтагида шахсий кўрикдан ўтказилганда топилган.
