15 ноябрь куни болалар омбудсмани Сурайё Раҳмонова Самарқанд вилоятида илгари ўғирлаш ва зўравонлик қурбони бўлган қизнинг ота-онаси ва жабрланувчи билан учрашди. Бу ҳақда бола ҳуқуқлари бўйича вакилнинг Telegram каналида маълум қилинди.
Учрашув доирасида Омбудсман дастлабки тергов босқичида қизларнинг ҳуқуқлари, жумладан, унинг қонуний вакили, ўқитувчиси ва адвокатининг иштирокига риоя қилинишини текширган. Тергов органларига процессуал ҳаракатларни боланинг манфаатларини инобатга олган ҳолда ўтказиш бўйича тавсиялар берилди.
Жабрланувчининг онаси воқеа тафсилотларини ошкор этмасликни сўраб жамоатчилик ва ОАВга мурожаат қилган.
