17 ноябрь куни тахминан соат 16:15 да Чилонзор туманидаги Гавҳар кўчасида уч автомобиль, жумладан тез ёрдам машинаси иштирокида йўл-транспорт ҳодисаси юз берди. Бу ҳақда «Взгляд.uz» мухбири хабар бермоқда.
Spark ҳайдовчиси бошқарувни йўқотиб, Lacettiʼга урилди. Натижада Spark ағдарилиб, ёнидан ўтиб кетаётган тез ёрдам машинасига бориб тегди.
Гувоҳларнинг айтишича, ағдарилган машинада аёл болалари билан бирга бўлган. Жабрланганлар ҳақида ҳозирча маълумот йўқ.
