18 ноябрь куни Ўзбекистон Республикаси Олий Мажлиси Қонунчилик палатасининг янгиланган таркибдаги биринчи мажлиси бўлиб ўтади. Бу ҳақда президент Шавкат Мирзиёев матбуот хизмати хабар берди.
Тадбирда давлат раҳбари сўзга чиқиши кутилмоқда.
Эслатиб ўтамиз, Ўзбекистон парламентига сайлов натижалари 28 октябрь куни эълон қилинган эди. Марказий сайлов комиссияси маълумотларига кўра, овоз беришда мамлакат бўйлаб 15 027 529 нафар сайловчи иштирок этди. Мамлакатдан ташқарида 140 388 киши овоз берди.
Овоз бериш натижаларига кўра, Ўзбекистон Либерал-демократик партияси (ЎзЛиДеП) сайловчиларнинг 34,75 фоиз овозини қўлга киритди.
