21 ноябрь куни ижтимоий тармоқларда бир аёл ўз мотоцикли тиркамасида болаларни олиб кетаётгани акс этган видео тарқалди. Бухоро вилояти Йўл ҳаракати хавфсизлиги бошқармаси ушбу ҳодиса юзасидан муносабат билдирди.
Аниқланишича, болалар 18-мактабдан олиб кетилаётган экан. Видеода болаларнинг мотоцикл тиркамаларида ўриндиқсиз ва хавфсизлик камарларсиз кетаётгани кўринади. Улар ўзларини эҳтиётсиз тутиб, ўринларидан туриб, йўлга йиқилиб тушишларига оз қолади.
Ҳуқуқ-тартибот идоралари ходимлари мотоциклни бошқарган аёлни аниқлаб, унга нисбатан маъмурий баённома тузишди.
