Ўзбекистон Нетаняхуни ҳибсга олишдан бош тортди Ўзбекистон Нетаньяхуни ҳибсга олишдан бош тортди.
Ўзбекистон Ташқи ишлар вазирлиги вакилининг таъкидлашича, давлат Рим статути тарафи эмас, шунинг учун Халқаро жиноят суди (ХЖС)нинг ҳар қандай қарорлари, шу жумладан Исроил бош вазири Биньямин Нетаньяхуни ҳибсга олиш ордери Ўзбекистонда юридик кучга эга эмас.
Ўзбекистон Халқаро жиноят суди қарорларининг бажарилиши учун масъулиятни ўз зиммасига олмаган. Бу ҳақдаги тегишли ҳужжатлар ратификация қилинмаган. Шундан келиб чиқиб, Ўзбекистонда Халқаро жиноят суди томонидан берилган қамоққа олиш ёки қамоққа олиш ордерларини бажариш бўйича ҳеч қандай мажбурият йўқ», — дея изоҳ берди вазирлик.
Шу билан бирга, ТИВ Исроил бош вазирининг яқин вақт ичида Ўзбекистонга келиши кутилмаётганини таъкидлади.
Эслатиб ўтамиз, жорий йилнинг май ойида Тошкентда Жаҳон тиллари университетининг 19 ёшли талабаси Исроил элчихонасига ўт қўйишга урингани учун 5 йилга озодликдан маҳрум қилинган эди. Маҳкум Исроил ва Фаластин ўртасидаги қуролли можаро ҳақидаги видеони кўргандан сўнг норозилик билдиришга уринган.
