Alisher Usmonov Xalqaro qilichbozlik federatsiyasi (FIE) prezidenti etib saylangani maʼlum qilindi. Bu haqda TASS axborot agentligi xabar berdi.
Toshkentda boʻlib oʻtgan saylovda Usmonov 120 nafar delegatning qoʻllab-quvvatlashiga sazovor boʻldi. Uning raqibi, Shvetsiya qilichbozlik federatsiyasi rahbari Otto Drakenberg esa 26 ta ovoz oldi.
Usmonov 71 yoshda. U 2008-yildan beri FIEga rahbarlik qilib kelgan, biroq 2022-yil mart oyida oʻz tashabbusi bilan vaqtincha vakolatlarini toʻxtatgandi.
