Kecha Abu-Dabi aeroportida Oʻzbekistonning 31 nafar fuqarosi ushlab turildi. Oʻzbekiston Respublikasining Birlashgan Arab Amirliklaridagi elchixonasi maʼlum qilishicha, ularning barchasi Wizz Air aviakompaniyasining Toshkentdan kelgan reysida boʻlgan.
Diplomatik vakolatxona oʻzbekistonliklarning Abu-Dabiga kiritilmagani sababini ayta olmadi.
Biroq elchixona aeroport rahbariyati bilan bogʻlanib, fuqarolarni ovqat va zarur hollarda tibbiy yordam bilan taʼminlash boʻyicha kelishuvga erishdi.
