Osiyo olimpiya kengashi 2025-yilgi yoshlar Osiyo oʻyinlari Toshkentdan Bahraynga koʻchirilgani haqida maʼlum qildi. Bu haqda Osiyo Olimpiya kengashi matbuot xizmati xabar berdi.
Qaror joriy yilning 2-dekabr kuni boʻlib oʻtgan Ijroiya kengashi yigʻilishida qabul qilingan. Koʻchirish sababi oshkor etilmadi.
Eslatib oʻtamiz, 2020-yil dekabr oyida Oʻzbekiston Milliy olimpiya qoʻmitasi Osiyo Olimpiya Kengashi Bosh Assambleyasi bilan 2025-yilgi Osiyo oʻyinlarini Toshkentda oʻtkazish toʻgʻrisida bitim imzolanganini maʼlum qilgan edi.
Ushbu yirik musobaqa davomida mamlakatimizga 5 mingga yaqin mehmon tashrif buyurishi kutilayotgan edi. Keyinchalik bu maʼlumot MOQ rasmiy veb-saytidan olib tashlandi.
