Oʻzbekistonda harbiy xizmatchilar va huquqni muhofaza qilish organlari xodimlari uchun cheklovlar joriy etildi. Bu chora-tadbirlar prezident Shavkat Mirziyoyev tomonidan tasdiqlangan.
Endilikda harbiylar, IIV, bojxona, prokuratura va milliy gvardiya xodimlariga qimor oʻynash, diniy marosimlar oʻtkazish, shuningdek, boshqa davlatlarda fuqarolikni va yashash guvohnomasini olish uchun murojaat qilish taqiqlanadi.
Bundan tashqari, qonun yaqin qarindoshlari bilan birga xizmat qilish imkoniyatini cheklaydi. Qarindosh harbiy yoki huquqni muhofaza qiluvchi organlar xodimining bevosita boshligʻi boʻlishi mumkin emas.
Shuningdek, daromad olish bilan bogʻliq cheklovlar joriy etildi. Endilikda xizmatchilarga oʻz xizmat vazifalarini bajarganligi yoki bajarmaganligi uchun begona shaxslardan mukofot, imtiyoz va sovgʻalar olish taqiqlanadi. Bundan tashqari, ularga siyosiy partiyalar va jamoat birlashmalari manfaatlarini koʻzlab ishlash taqiqlanadi.
Harbiylar va huquqni muhofaza qiluvchi organlar xodimlari biznesga egalik qilishlari va boshqarishlari mumkin emas. Shuningdek, ularga oʻqitish, ijod qilish va ilmiy ishdan tashqari boshqa haq toʻlanadigan faoliyat bilan shugʻullanish taqiqlanadi.
Qonun 2025-yil 3-yanvardan kuchga kiradi.
