“Oʻzbekiston 24” axborot sonida “Oʻzbekiston temir yoʻllari” AJ 40 ta zamonaviy tezyurar elektropoyezdlarni sotib olishni rejalashtirayotgani maʼlum qilindi.
Yangi tarkiblar toʻrtta yoʻnalishda transport qatnovini yaxshilash uchun ishlatiladi:
Toshkent — Angren;
Toshkent — Xoʻjakent;
Toshkent — Bekobod;
Toshkent — Keles;
Toshkent — Jizzax.
Ushbu elektropoyezdlar poytaxt va yirik shaharlar oʻrtasida yoʻlovchilarni tez va qulay tashishni taʼminlaydi, transport infratuzilmasining qulayligini yaxshilaydi.
Poyezdlar parkini yangilash mamlakat temir yoʻl aloqasini rivojlantirishda muhim qadam boʻladi. Yetkazib berish va foydalanishga topshirish muddatlari tender yakunlangandan soʻng belgilanadi.
Qayd etish joizki, “Oʻzbekiston temir yoʻllari” AJ ham tegishli tender eʼlon qilgan.
