Oʻzbek qiziqchisi va aktrisasi Halima Ibrohimova hayotdan koʻz yumdi.
Aktrisaning vafoti haqida aktyor va uning hamkasbi Ulugʻbek Xolmedov xabar berdi.
Halima Ibrohimova 1979-yilda tugʻilgan. U Toshkent davlat sanʼat institutining aktyorlik mahorati va dramatik sanʼat fakultetini tamomlagan.
Aktrisa koʻp yillar davomida Mirzabek Xolmedov rahbarligidagi teatr-studiyada faoliyat yuritgan. Shuningdek, u kinofilmlarda turli rollarni ijro etgan.
U komediya parodiyalari va koʻrsatuvlardagi ishtiroki tufayli mashhurlikka erishgan. Halimaxon turmush qurib, ikki farzand — oʻgʻil va qizni tarbiyalab voyaga yetkazgan. U 45 yoshda edi.
25-noyabr kuni ijtimoiy tarmoqlarda aktrisaning ogʻir xastalikka chalingani haqida xabar tarqalgan edi.
Hozircha oʻlim sababi nomaʼlum.
