Madrid “Real”i bosh murabbiy Karlo Anchelottining boʻlajak vorisini izlashni boshladi, deya xabar bermoqda Cadena Ser.
Nomzodlar orasida ilgari jamoani boshqargan Zinedin Zidanning qaytishi ham koʻrib chiqilmoqda.
Manba maʼlumotlariga koʻra, klub rahbariyati kelasi yil yoziga rejalashtirilgan Xabi Alonso tayinlanishigacha fransuz mutaxassisini vaqtinchalik murabbiy sifatida taklif etishi mumkin. Biroq Zidan bunday rolni rad etib, “Real”ga faqat uzoq muddatli hamkorlik sharti bilan, agar klub Alonso nomzodidan voz kechsagina, qaytishga tayyor ekanini bildirgan.
