Qashqadaryo viloyatida mast erkak xotinini qoʻrqitmoqchi boʻlib, uni yaraladi, deb xabar bermoqda Oʻzbekiston Respublikasi Oliy sudi jamoatchilik bilan aloqalar markazi rahbarining Telegram kanali.
Voqea 2024-yil 23-may kuni soat 17:30 atrofida sodir boʻlgan. Uyga mast holda qaytgan erkak turmush oʻrtogʻiga koʻchada ishlayotgan quruvchilarga yordam bermoqchi ekanligini aytgan. Ayol unga xalaqit bermaslikni va uyga kirishni soʻragan, bu esa janjalga sabab boʻlgan.
Gʻazablangan er seyfdan ov miltigʻini olib, oʻqlagan va xotini qochishga urinayotganda yerga qarab oʻq uzgan. Oʻq parchalari ayolning orqasi va oyogʻiga tegib yaralagan, shundan soʻng u kasalxonaga yotqizilgan.
Sudda ayblanuvchi oʻz aybini qisman tan olib, xotiniga zarar yetkazishni istamaganini, faqat uni qoʻrqitmoqchi boʻlganini taʼkidlagan. Sud ish holatlarini koʻrib chiqib, uni Jinoyat kodeksining 126-1-moddasi (Oilaviy zoʻravonlik) boʻyicha aybdor deb topgan va bir yil muddatga ozodlikdan mahrum qilish jazosini tayinlagan.
