Oʻzbekiston va Pokiston oʻrtasida JSTga aʼzo boʻlish boʻyicha muzokaralar yakunlandi. Bu haqda Pokistonning tashkilotdagi vakili Ali Sarfraz Husayn oʻzining LinkedInʼdagi sahifasida maʼlum qildi.
Shuningdek, muzokaralar yakunlari boʻyicha bayonnoma imzolanganini taʼkidladi. Husayn ushbu hujjat Oʻzbekistonni tashkilotning toʻlaqonli aʼzosi maqomiga yaqinlashtirishini taʼkidladi.
Bungacha Oʻzbekiston Filippin bilan muzokaralarni yakunlagan edi. Qoʻshilish toʻgʻrisidagi protokol 1-dekabr kuni Jenevada boʻlib oʻtgan uchrashuvda imzolangan.
Oʻzbekiston JSTga aʼzo boʻlish boʻyicha 24 dan ortiq davlat, jumladan, jahon iqtisodiyotining asosiy ishtirokchilari — Xitoy va AQSH bilan muzokaralarni allaqachon yakunladi.
AQSH bilan muzokaralar noyabr oyida yakunlandi. Ular 14 oy davom etdi va AQSH Oʻzbekistonga Tashkilotga kirishda taqdim etishi mumkin boʻlgan qoʻllab-quvvatlashni muhokama qilishga bagʻishlandi.
