IIV maʼlumotlariga koʻra, ilgari Nuriddinov Rossiyaga ishlash uchun ketgan va u yerda terroristik targʻibot taʼsiriga tushib qolgan. Soʻngra u Suriyaning Idlib shahriga borib, jang harakatlarida ishtirok etgan.
U “Abu Valid” taxallusi ostida Suriyaga urushga chaqiruvchi videolarni yozib, ijtimoiy tarmoqlarda tarqatgan. Huquq-tartibot idoralari maʼlumotlariga koʻra, uning targʻiboti natijasida terrorchilar safiga qoʻshilgan koʻplab Oʻzbekiston fuqarolari halok boʻlgan.
Nuriddinovga nisbatan bir qator moddalar boʻyicha jinoyat ishi qoʻzgʻatilgan. Oʻzbekiston Ichki ishlar vazirligi fuqarolarga “Abu Valid” ishtirokidagi materiallarni saqlash va tarqatish jinoiy javobgarlikka sabab boʻlishi haqida ogohlantirish berdi.
