11-dekabr kuni Kobuldagi Qochqinlar va qaytib kelganlar ishlari vazirligi hududida portlash sodir boʻldi. Portlash natijasida Tolibon hukumati aʼzosi boʻlgan vazirlik rahbari Halil ur-Rahmon Haqqoniy halok boʻldi. Hodisa vazir vazirlikning asosiy binosidan namoz oʻqish uchun masjidga ketayotganida yuz berdi.
Hukumat matbuot kotibi Zabihulla Mujohidning aytishicha, Haqqoniy “qoʻrqoqlarcha hujum” qurboni boʻlgan. U bilan birga yana bir necha kishi halok boʻldi, koʻpchilik jarohat oldi.
Terrorchilik hujumi uchun javobgarlikni “Islom davlati” guruhi (bir qator mamlakatlarda taqiqlangan tashkilot) oʻz zimmasiga oldi. Afgʻoniston ommaviy axborot vositalari va marhumning qarindoshlariga koʻra, portlash oqibatida jami yetti kishi halok boʻlgan.
