Vengriya bosh vaziri Viktor Orban Rossiya va Ukrainaga Rojdestvo arafasida asirlarni ayirboshlash va oʻt ochishni toʻxtatishni taklif etdi. Bu haqda Rossiya prezidentining matbuot kotibi Dmitriy Peskov xabar berdi. Rossiya ushbu taklifni Ukrainaga yetkazdi, biroq Kreml Ukraina tomoni taklifni rad etgan deb hisoblaydi.
Orban aniqlik kiritishicha, Vengriya Ukrainaga Rojdestvoda Rossiya bilan yarashish va harbiy asirlar almashinuvini tashkil etishni taklif qilgan. Biroq, uning aytishicha, Ukraina prezidenti Vladimir Zelenskiy bu taklifni rad etgan.
“Biz qoʻlimizdan kelgan barcha ishni qildik”, — deb yozdi Orban X ijtimoiy tarmogʻida, tinchlik tashabbusidan voz kechilganidan afsuslanib.
