Toshkentda “Yunusobod” bozorini qayta qurish loyihasi taqdim etildi.
Yangi bozor bir necha hududlarni oʻz ichiga olgan zamonaviy savdo-koʻngilochar va biznes markaziga aylanadi. Uning maydoni qariyb 5 barobar kengaytiriladi, metro va yerusti transporti bilan qulay bogʻlanishi natijasida tumandagi 360 mingdan ortiq aholining kelishi taʼminlanadi.
Turkiya va Singapur meʼmorlari tomonidan ishlab chiqilgan loyiha 4-5 ming yangi ish oʻrni yaratishni koʻzda tutadi. Bu shahar budjetiga tushumlarni oshirishga yordam beradi. Qayta qurish ishlari tadbirkorlarga zarar yetkazmagan holda amalga oshiriladi — ularning faoliyati toʻxtatilmaydi.
