Oʻzbekiston Fanlar akademiyasi prezidenti etib Ayupov Shavkat Abdullayevich saylandi. Bu haqda bugun, 16-dekabr kuni akademiyada tashkilot rahbarini saylashga bagʻishlangan yigʻilishda maʼlum qilindi.
Shavkat Ayupov 1952-yilda tugʻilgan, fizika-matematika fanlari doktori, shuningdek Oliy Majlis Senati aʼzosi hisoblanadi. U 2021-yilda “Oʻzbekiston Qahramoni” unvoni bilan taqdirlangan.
Eslatib oʻtamiz, Fanlar akademiyasining sobiq rahbari Behzod Yoʻldoshev 28-avgust kuni 79 yoshida vafot etgan edi.
