Stenford universiteti tadqiqotchilari emlashga inqilobiy yondashuvni taklif qilishdi: inyeksiyalar oʻrniga terida yashovchi bakteriyalardan foydalanish mumkin boʻladi. Xususan, ular har bir inson terisida zararsiz uchraydigan Staphylococcus epidermidis bakteriyasiga eʼtibor qaratishgan.
Ushbu bakteriyaning oʻziga xosligi shundaki, u organizmning kuchli immun javobini keltirib chiqarishi mumkin. Olimlar uni qoqshol genini qoʻshish orqali oʻzgartirdilar va sichqonlarda yangi usulni sinab koʻrdilar. Natijalar shuni koʻrsatdiki, bakteriyalar vaksina sifatida samarali ishlaydi.
Tadqiqotlar hali boshlangʻich bosqichda boʻlib, insonlarda samaradorligi hali tasdiqlanmagan boʻlsada, istiqbol hayratlanarli. Bunday yondashuv emlash jarayonini sezilarli darajada soddalashtirishi mumkin. Ukol qilish oʻrniga teriga bakteriyalar qoʻshilgan surtma surtish kifoya. Bu koʻproq odamlar uchun emlash imkoniyatini ochib, tibbiyot muassasalariga borishga hojat qoldirmaydi.
Mutaxassislarning taʼkidlashicha, usul ustida ishlash davom etmoqda, ammo agar u muvaffaqiyatli boʻlsa, tibbiyotda haqiqiy yutuq boʻlishi mumkin.
