Dushanba, 16-dekabr kuni Toshkent metrosi bir kun ichida birinchi bor million yoʻlovchini tashidi. Bu haqda poytaxt metrosi matbuot xizmati xabar berdi.
Ushbu chegarani bosib oʻtgan yoʻlovchi poytaxtlik Kozim Sohibov boʻldi. “Chinor” bekati boshligʻi Abdurahmon Abdugʻafforov unga mukofot — esdalik sovgʻa va Toshkent jamoat transportida bir yil davomida bepul yurish huquqini beruvchi transport kartasini topshirdi.
“Chinor” bekati atrofida yashovchi Kozim Sohibov bu mukofot uning uchun kutilmagan sovgʻa boʻlganini tan oldi. U “Tuzel” bekati hududidagi ishiga borish uchun har kuni metrodan foydalanishini aytdi.
