Davlat dumasi Yaroslavl viloyatidagi Rostov shahrining nomini Buyuk Rostov deb oʻzgartirish toʻgʻrisidagi qonunni tasdiqladi. Qaror 17-dekabr, seshanba kuni boʻlib oʻtgan yigʻilishda ikkinchi va uchinchi oʻqishda qabul qilindi.
Tarixiy nomni qaytarish tashabbusi mahalliy aholi tomonidan bir necha bor ilgari surilgan, deya xabar berdi Yaroslavl viloyati vakillari. 2023-yilda shaharda 13 922 nafar aholi oʻrtasida soʻrov oʻtkazildi, shundan 13 854 nafari qayta nomlash gʻoyasini qoʻllab-quvvatladi. Bu 14 yoshdan oshgan aholining 58 foizini tashkil qiladi.
Taʼkidlanishicha, yangi nom shaharning tarixiy ahamiyatini aks ettiradi. XII asr yilnomalarida Rostov Buyuk deb tilga olingan va XIV-XV asrlarga oid Ipatiyev yilnomasida ham “Buyuk Rostov” haqida maʼlumotlar mavjud.
