Rossiya Tergov qoʻmitasi 29 yoshli Oʻzbekiston fuqarosini terroristik hujumda gumon qilib qoʻlga oldi Rossiya Tergov qoʻmitasi 29 yoshli Oʻzbekiston fuqarosini terroristik hujumda gumon qilib qoʻlga oldi.
“Soʻroq davomida u Ukraina maxsus xizmatlari tomonidan yollanganini tushuntirdi. Ularning topshirigʻi bilan u Moskvaga keldi va qoʻlbola portlovchi qurilmani oldi. U Igor Kirillov yashagan turar-joy binosi eshigi oldida toʻxtab qolgan elektr samokatga joylashtirdi”, — dedi Rossiya SK rasmiy vakili Svetlana Petrenko.
Tergov maʼlumotlariga koʻra, gumonlanuvchi harbiy xizmatchining yashash joyini kuzatish uchun karshering avtomobilini ijaraga olgan va u yerda videokuzatuv kamerasini oʻrnatgan.
Ushbu kameradan olingan tasvir Dneprdagi terakt tashkilotchilariga onlayn rejimda namoyish etildi. Harbiy xizmatchilarning podezddan chiqishi haqida videoaloqa olinganidan soʻng, ular tomonidan portlatish qurilmasi masofadan turib ishga tushirildi.
“Ushbu jinoyatni sodir etganlik uchun ijrochiga 100 ming dollar miqdorida pul mukofoti va yashash uchun Yevropa davlatlaridan biriga borish kafolatlangan”, — dedi JK vakili.
Hozirda, RF SK maʼlumotlariga koʻra, ushbu jinoyatni tashkil etishga aloqador boshqa shaxslar aniqlanmoqda.
Kirillov va Polikarpov 17-dekabr kuni ertalab Moskvadagi Ryazan prospektidagi turar-joy binosiga kiraverishda turgan samokatga oʻrnatilgan portlovchi qurilmaning ishga tushishi natijasida halok boʻlishdi.
