Toshkentda soʻnggi sutkada Mercedes-Benz rusumli avtobuslarda ikki marta yongʻin sodir boʻldi.
Dastlabki yongʻin oʻtgan kuni kechqurun, 18-dekabr kuni Yunusobod tumanida 169-yoʻnalish avtobusida sodir boʻlgan. “Toshshahartransxizmat” xabariga koʻra, hodisaga qisqa tutashuv sabab boʻlgan.
Ikkinchi hodisa 19-dekabr kuni tushga yaqin Yangi Sergeli va Qipchoq koʻchalari chorrahasida sodir boʻlgan. 132-yoʻnalishdagi avtobusda yongʻin sodir boʻldi. Favqulodda vaziyatlar boshqarmasi matbuot xizmati xabariga koʻra, yongʻin signali soat 11:51 da kelib tushgan. Voqea joyiga zudlik bilan ikkita yongʻin-qutqaruv ekipaji yetib borib, oltita daqiqada yongʻinni oʻchirdi. Jabrlanganlar yoʻq.
