O‘zbekiston Respublikasi Oliy Majlisi Senati qo‘shimcha mas’uliyatli tijorat unitar korxonalari va jamiyatlarini tugatish to‘g‘risidagi qonun loyihasini ma’qulladi. Deputatlar ushbu tashkiliy-huquqiy shakllar eskirganini va korporativ boshqaruvning zamonaviy standartlariga javob bermasligini ta’kidladi.
Shu bilan birga, qonun loyihasida zavodlar va infratuzilma obektlari qurilishi kabi yirik investisiya loyihalarini amalga oshirish uchun tashkil etiladigan mustaqil kompaniyalarning vaqtinchalik birlashmasi — konsorsiumlarning huquqiy maqomi mustahkamlanmoqda.
O‘zbekistonda tijorat unitar korxonalari o‘z mol-mulkiga egalik qilish huquqiga ega emas, ularning aktivlarini ulushlarga bo‘lib bo‘lmaydi. Qo‘shimcha mas’uliyatli jamiyatlar mas’uliyati cheklangan jamiyatlarga o‘xshaydi, ammo ta’sischilarning subsidiar javobgarligini nazarda tutadi, bu esa ularning shaxsiy mulkini kompaniya qarzlari hisobidan undirish imkonini beradi.
Hujjat, shuningdek, korporativ axborotni oshkor qilishga, shu jumladan qimmatli qog‘ozlar chiqarilishi to‘g‘risidagi ma’lumotlarni majburiy e’lon qilishga nisbatan yangi talablarni belgilaydi.
