2024-yil dekabr oyida Ijtimoiy himoya milliy agentligi tomonidan “Xalq banki” AJ orqali 898,9 ming kam taʼminlangan oilaga 450,5 mlrd soʻm miqdorida toʻliq mablagʻ ajratildi.
Shundan 840,2 ming oila (jami nafaqa oluvchilarning 93,5 foizi) nafaqalarni bank kartalari orqali olgan.
Qonunchilik talablariga koʻra, joriy oy uchun toʻlovlar pul shaklida nafaqa oluvchi oilalarga oyning 27-sanasiga qadar “Xalq banki”ning mobil kassalari orqali yetkaziladi.
Maʼlumot uchun: joriy yilning noyabr oyida “Ijtimoiy himoya yagona reyestri” axborot tizimi 82,9 mingta yangi kam taʼminlangan oilani qamrab oldi.
