BYD kompaniyasi gumanitar robototexnika bozoriga chiqishini eʼlon qildi va oʻzining Embodiyed Intelligence tadqiqot guruhiga mutaxassislarni jalb qilish boʻyicha xalqaro kampaniyani boshladi.
Kompaniya 2025-yilda oʻqishni yakunlaydigan dunyoning yetakchi universitetlaridan magistr va doktorantlarni algoritmlar boʻyicha katta muhandis, konstruktor va modellashtirish boʻyicha mutaxassis lavozimlariga taklif qiladi. Asosiy eʼtibor ikki oyoqli va gumanoid robotlar sohasidagi ilgʻor tadqiqotlarga qaratilmoqda.
BYD tadqiqot guruhi sunʼiy intellektni sanoatda joriy etishni tezlashtirishga intilib, innovatsion robotlashtirilgan tizimlar, jumladan, sanoat, mobil va gumanitar robotlarni ishlab chiqish bilan shugʻullanadi.
Yaqinda BYDning 30 yillik yubileyida kompaniya raisi sunʼiy intellekt va innovatsiyalarga 13,73 milliard dollar sarmoya kiritish rejalarini eʼlon qildi.
Avvalroq BYD Ubtech Robotics bilan hamkorlik qilgan, bu esa oʻz korxonalarida Walker S1 gumanitar robotining joriy etilishiga olib kelgan. Boʻyi 1,72 metr, vazni 76 kilogramm boʻlgan ushbu robot 15 kilogrammgacha koʻtarib, avtomatlashtirilgan tizimlar bilan birgalikda ishlay oladi.
Ubtech Robotics allaqachon Dongfeng, Geely, FAW Hongqi va Audi FAW kabi avtomobil ishlab chiqaruvchilari bilan hamkorlik qilmoqda va Walker S uchun 500 dan ortiq buyurtma oldi.
