24-dekabr kuni 01 888 BBB raqamli avtomobil ausionda 965,25 mln so‘mga (Markaziy bankning shu vaqtdagi kursi bo‘yicha 74,81 ming AQSH dollari) sotildi. Bu haqda O‘zbekiston respublika tovar-xomashyo birjasidagi manba “Взгляд.uz”ga ma’lum qildi.
Savdolar boshlanganidan buyon lotning narxi uch baravarga — 337,5 million so‘mdan oshdi. Endilikda bu O‘zbekistonda yuridik shaxslar uchun eng qimmat va “namunali” avtomobil nomeri hisoblanadi.
Yangi egada yo‘l harakati xavfsizligi tizimida raqamni ro‘yxatdan o‘tkazish uchun bir oy vaqt bor. Shu bilan birga, u 48 768 750 so‘m komissiya yig‘imi to‘laydi.
Eslatib o‘tamiz, 2023 yil oktyabr oyida 01 777 RRR avtomobil raqami 893,97 mln so‘mga (Markaziy bankning shu sanadagi kursi bo‘yicha 73,27 ming AQSH dollari) kimoshdi savdosida sotilgandi. Bugungi kunga qadar u eng qimmat hisoblangan.
