Nigeriyada 2024-yil boshidan beri Lassi isitmasi bilan kasallangan 1 154 holat va 190 dan ortiq o‘lim holatlari qayd etilgan. Bu haqda Nigeriyaning Kasalliklarni nazorat qilish va oldini olish markazi rahbari Jide Idris ma’lum qildi, deb yozadi TASS.
“Idrisning so‘zlariga ko‘ra, mamlakat hukumati virus tarqalishiga qarshi kurashish uchun tezkor markaz yaratmoqda. Uning ta’kidlashicha, so‘nggi to‘rt haftada kasallanish sonining ayniqsa keskin o‘sishi qayd etilgan”, — deyiladi Arise News xabarida.
Jahon sog‘liqni saqlash tashkiloti (JSST) Lass isitmasini epidemiya xavfi va sinovdan o‘tgan vaksinaning yo‘qligi sababli ustuvor tahdid deb atadi.
Lassi isitmasi gemorragik isitmalar guruhiga kiruvchi o‘tkir virusli infeksiya bo‘lib, belgilari jihatidan Ebola virusiga o‘xshab ketadi. Kasallikning asosiy tashuvchilari kemiruvchilar, birinchi navbatda, kalamushlardir.
