2025-yilda O‘zbekistonda tamaki va alkogol mahsulotlariga soliq stavkalari o‘zgartiriladi.
O‘zgartirishlar Soliq kodeksiga hamda 2025-yilga mo‘ljallangan soliq va byudjet siyosatining asosiy yo‘nalishlari bilan bog‘liq boshqa qonun hujjatlariga o‘zgartishlar kiritish to‘g‘risidagi qonunda nazarda tutilgan.
Xususan, import qilinadigan tamaki mahsulotlari uchun aksiz stavkalari 5 ming so‘mga oshirilib, 330 ming so‘mga yetkaziladi, ishlab chiqariladigan sigaretalar uchun esa qariyb 20 foizga oshirilib, 300 ming so‘mga yetkaziladi. 2025 yil 1 iyuldan boshlab stavka yagona bo‘lib, 1000 dona uchun 340 000 so‘mni tashkil etadi.
Chilim, chekiladigan va trubka tamakisi uchun stavka 600 000 so‘mgacha (ilgari 382 000 so‘m), tarkibida nikotin bo‘lgan suyuqlik uchun esa 2000 so‘mgacha (ilgari 670 so‘m) sezilarli darajada oshadi.
Shuningdek, alkogolli mahsulotlarga soliq stavkalari ham o‘zgartiriladi. Etil spirti uchun stavka mahalliy va import mahsulotlar uchun yagona bo‘lib, 15 000 so‘mni tashkil etadi. Import aroq va konyak uchun stavka 101 500 so‘mdan 76 000 so‘mgacha pasaytiriladi, mahalliy alkogol uchun stavka esa 40 000 so‘mdan 44 000 so‘mgacha oshiriladi.
