Amerika kosmik agentligi NASA Rojdestvo archasiga o‘xshagan NGC 2264 yulduzlar to‘dasining ajoyib suratini e’lon qildi.
Tasvir “Chandra” rentgen observatoriyasi va astrofotograf Maykl Klouning optik teleskopi orqali olingan ma’lumotlardan foydalanib yaratilgan. Qizil, binafsha, ko‘k va oq ranglarning spektrlari "Chandra" tomonidan qayd etilgan, yashil tuslar esa Klou teleskopi tomonidan qo‘shilgan.
“Qor parchalari to‘dasi” nomi bilan ham tanilgan bu to‘dani 1784-yilda astronom Uilyam Gershel kashf etgan. U Yerdan 2500 yorug‘lik yili uzoqlikda joylashgan va besh million yildan yosh bo‘lgan yulduzlardan tashkil topgan.
