2025-yil yanvaridan Belgiyada bir martalik elektron sigaretalar (veyplar) savdosiga taqiq kuchga kiradi. Qaror davlat statistikasi ma’lumotlariga ko‘ra, aksariyat yosh chekuvchilar an’anaviy sigaretalardan emas, balki veyplardan boshlashadi, deb xabar beradi BB News.
Belgiya Yevropa Ittifoqining bunday taqiq joriy etilgan birinchi davlati bo‘ladi. Sog‘liqni saqlash vaziri Frank Vandenbrukning ta’kidlashicha, bir martalik veyplarning yorqin dizayni yoshlarni jalb qilish uchun maxsus yaratilgan.
Tarafdorlarning veyplar chekishni tashlashga yordam berishi haqidagi bayonotlariga qaramay, sog‘liqni saqlash mutaxassislari ularning rang-barang dizayni va mevali ta’mlari tufayli bolalar orasida mashhurligidan xavotir bildirmoqda.
