O‘zbekistonning Pokistondagi elchisi Alisher To‘xtayevning aytishicha, yaqin yillarda ikki mamlakat o‘rtasidagi tovar ayirboshlash hajmi 1 milliard dollarga yetishi mumkin. Bu haqda “Minute Mirror” xabar bermoqda.
Uning ta’kidlashicha, joriy trend ijobiy, chunki so‘nggi vaqtlarda savdo yetti baravarga oshgan. 2019-yilda tovar ayirboshlash hajmi 122 million dollarni, 2023-yilda esa 387 million dollarni tashkil etgan.
Bundan tashqari, To‘xtayev Toshkent va Lahor o‘rtasida to‘g‘ridan-to‘g‘ri reyslar yo‘lga qo‘yilgani haqida gapirib, Qorachidan O‘zbekistonga to‘g‘ridan-to‘g‘ri reyslarni yo‘lga qo‘yish rejalari haqida ma’lum qildi.
Elchi investitsiyalar uchun istiqbolli sohalar, jumladan, to‘qimachilik, farmatsevtika, oziq-ovqat sanoati va qishloq xo‘jaligini ham qayd etdi. U Pokiston biznesini ushbu sohalarga faolroq sarmoya kiritishga chaqirdi.
