Fransiya prezidenti Emmanuel Makron amerikalik tadbirkor Ilon Mask boshqa mamlakatlardagi saylovlarga, jumladan, Germaniyadagi muddatidan ilgari parlament saylovlariga aralashganini aytdi. Bu haqda u Yelisey saroyining X ijtimoiy tarmog‘idagi sahifasida efirga uzatilgan chiqishida aytib o‘tdi.
Makron Maskning ismini tilga olmadi, ammo Fransiyaning Libération nashri gap aynan u haqida ketayotganini ta’kidladi. Nashrga ko‘ra, Fransiya prezidenti Maskni "Germaniya uchun alternativa" o‘ta o‘ng partiyasini qo‘llab-quvvatlashda aybladi.
Makron o‘z nutqida AQShning sobiq prezidenti Donald Trampga ham murojaat qilib, Fransiyani o‘zining ittifoqchisi deb bilishini ta’kidladi. Shu bilan birga, u Trampning hurmatini saqlab qolish uchun Fransiyaning kuchli pozitsiyasi muhimligini ta’kidladi.
