Sputnik O‘zbekiston matbuot markazida “Toshkentda jamoat transportining kelajagi: naqd pulsiz to‘lov va uning shaharga ta’siri” mavzusida matbuot anjumani bo‘lib o‘tdi.
Ma’lumki, 2025 yil 1 yanvardan boshlab Toshkent shahrining yer usti jamoat transportida yo‘lkira haqini naqd pul bilan to‘lash to‘xtatildi va QR-kodli bir martalik chiptalar muomalaga kiritildi. Endi naqd pulda to‘lashga urinayotgan yo‘lovchilar va bunday to‘lovlarni qabul qilayotgan haydovchilar ma’muriy javobgarlikka tortiladi.
Jurnalistning pensionerlar uchun jamoat transportida bepul yurish nima uchun qilmaslik kerak, degan savoliga Toshkent shahar Transport va yo‘l-transport infratuzilmasini rivojlantirish bosh boshqarmasi boshlig‘i Mirakbar Ikromov yaqin kunlarda shu masala bilan shug‘ullanishini ma’lum qildi. Bu haqda “Взгляд.uz” muxbiri xabar bermoqda.
“Men bu mavzuni ko‘taraman, biz [Transport vazirligi boshqarmasi — tahr.] uni o‘rganamiz. Men hozir bu ish bilan shug‘ullanamiz, deb aytmayman. Dastlab jamoat transportidan qancha odam foydalanishini, ular orasida qancha pensioner borligini hisoblab chiqamiz. Yaqin vaqt ichida biz natijalarni e’lon qilamiz”, — dedi Ikromov.
