O‘zbekistonda 2027-yildan boshlab plastik paketlarni butunlay taqiqlash rejalashtirilmoqda. Ushbu chora joriy yil sentyabr oyida tasdiqlanishi rejalashtirilgan 2025-2027-yillarda plastik ifloslanishni kamaytirish bo‘yicha Milliy dasturning bir qismi bo‘ladi.
Taqiq plastik paketlarni ishlab chiqarish, import qilish va ulardan foydalanishni to‘xtatishni, shuningdek, ekologik xavfsiz muqobillarga o‘tish uchun rag‘batlantirishni nazarda tutadi.
Bundan tashqari, 2025-yil noyabriga qadar hokimiyat tovar ishlab chiqaruvchilar va import qiluvchilarga plastik qadoqlarni qaytarishni tashkil etish va plastikni yig‘ish va qayta ishlash shoxobchalarini tashkil etish majburiyatini yuklovchi qonun loyihasini kiritishi mumkin. Shuningdek, utilizatsiya yig‘imini to‘lash bo‘yicha talablarni kengaytirish taklif etilmoqda.
