Qo‘mitaning Telegram kanalida eslatib o‘tilganidek, fuqarolar shartnoma to‘lovi uchun to‘langan daromad solig‘ining 12 foizini Soliq mobil ilovasi orqali qaytarib olishlari mumkin.
Bu jarayonni amalga oshirish uchun soliq idoralariga tashrif buyurish shart emas. Skanerlangan shartnoma va to‘lov hujjatlarini bitta PDF-faylga birlashtirgan holda Soliq ilovasida deklaratsiya topshirishning o‘zi yetarli.
Foydalanuvchining daromadlari, shu jumladan ish haqi to‘g‘risidagi ma’lumotlar "Soliq imtiyozlarini qaytarish" bo‘limida avtomatik tarzda to‘ldiriladi. Deklaratsiya topshirilgandan so‘ng, ortiqcha to‘langan soliqlarni qaytarish uchun "Keshbek va imtiyozlar" bo‘limida ariza yuborish lozim.
Yakuniy bosqich - shaxsni Face ID orqali tasdiqlashdan iborat.
