16-yanvar kuni amerikalik rejissyor va ssenariy muallifi Devid Linch vafot etgani maʼlum boʻldi. U 78 yoshda edi. Fojiali voqea haqida uning oilasi ijtimoiy tarmoqlarda xabar berdi.
“Dunyo aql bovar qilmaydigan odamni yoʻqotib, unda ulkan boʻshliq qoldirdi. Ammo Devidning oʻzi aytganidek: Ponchikka qarang, teshikka emas”, — deb yozilgan oilaning Facebookdagi sahifasidagi bayonotida.
2024-yil avgust oyida Linch koʻp yillik chekish tufayli oʻpka emfizemasi bilan kasallanganini va kasalligi tufayli koʻchaga chiqa olmasligini aytdi. Shunga qaramay, u oʻzini “ajoyib” his qilayotganini va nafaqaga chiqishni rejalashtirmayotganini taʼkidladi.
Faoliyati davomida Devid Linch koʻplab mukofotlarga sazovor boʻldi. U “Malxoland Drayv,” “Fil odam” va “Koʻk baxmal” filmlarini rejissyorlik qilgani uchun uch marta “Oskar” nominatsiyasiga nomzod boʻlgan. Uning soʻnggi yirik ishi 2017-yilda chiqqan “Twin Peaks: The Return” seriali edi.
