Hyundai Motor Company 2025-yilda ichki ishlab chiqarishni rivojlantirishga yoʻnaltirilgan oʻz tarixidagi eng yirik sarmoyalarni eʼlon qildi. Asosiy loyiha 2026-yilning birinchi yarmida faoliyat boshlaydi va elektromobillar ishlab chiqarishga ixtisoslashgan Ulsandagi yangi zavod boʻladi. Tayyor avtomobillar sektoriga kiritilgan sarmoyalarning umumiy hajmi 11,2 milliard dollarni tashkil etadi, bu esa kompaniyaning elektromobilsozlik sohasidagi mavqeini mustahkamlashga qaratilgan.
Ishlab chiqarish jarayonlarida innovatsiyalarga alohida eʼtibor qaratilmoqda. Yangi zavodda Italiyaning Idra kompaniyasining 6000 tonnadan 9000 tonnagacha kuchga ega boʻlgan ulkan pressi (Giga Press) yordamida yaxlit strukturali avtomobil kuzovlarini ishlab chiqarish imkonini beruvchi HyperCasting texnologiyasi joriy etiladi. Bu yechim ishlab chiqarishni optimallashtiradi, xarajatlarni kamaytiradi va ishlab chiqarilayotgan mahsulot sifatini yaxshilaydi.
Tesla qoʻllaydigan HyperCasting texnologiyasiga oʻxshash usul Hyundaiʼga ishlab chiqarish samaradorligi va raqobatbardoshligini oshirish imkonini beradi. Raqobatchilardan farqli oʻlaroq, Hyundai elektromobillarining kuzovlari maksimal darajada yaxlit boʻladi, bu esa avtomobilsozlik sohasidagi ilgʻor texnologiyalarni rivojlantirishda muhim qadam hisoblanadi.
