2025-yil hosilidan oʻz mablagʻlari yoki tijorat kreditlari hisobidan paxta xomashyosini yetishtirgan va uni birjada sotgan xoʻjaliklarga shakllantirilgan hisobvaraq-faktura summasining 10 foizi miqdorida subsidiya ajratiladi
Paxta xomashyosini yetishtirish uchun olingan imtiyozli kreditlarni toʻlaydigan xoʻjaliklar uchun yigʻim-terim yilining oxirigacha (tegishli yilning 31-dekabriga qadar) toʻlangan foizlarning 4 foiz bandini subsidiya shaklida qaytarish tartibi amal qiladi.
Farmonda birja orqali ishlashning quyidagi qoidalari ham belgilangan:
Fyuchers shartnomalari joriy kalendar yilning 1-noyabridan keyingi yilning 1-iyunigacha xoʻjaliklar va qayta ishlovchilar oʻrtasida erkin shakllanadigan narx boʻyicha tuziladi, bu narx eʼlon qilingan boshlangʻich narxdan past boʻlmasligi kerak.
Forvard shartnomalari joriy yilning 1-noyabridan keyingi yilning 1-martiga qadar tomonlar tomonidan kelishilgan narxlar boʻyicha rasmiylashtiriladi.
Spot shartnomalari omborda saqlanayotgan paxta xomashyosi hajmlari boʻyicha kelishilgan narxlar boʻyicha real vaqt rejimida tuziladi.
Omborlari yoki ijara shartnomalari boʻlmagan xoʻjaliklar har bir yigʻim-terim yilining 1-martigacha forvard shartnomalarini yoki 1-iyungacha fyuchers shartnomalarini rasmiylashtirishi shart.
