2025-yil aprel oyida Pekinda noyob yarim marafon boʻlib oʻtadi, unda odamga oʻxshash robotlar va 12 mingga yaqin yuguruvchi-odamlar ishtirok etadi. Poyga “Pekinning janubiy darvozasi” deb nomlanuvchi Dasin tumanida boʻlib oʻtadi.
Masofa 21 kilometrni tashkil etadi va sovrinlar kim gʻolib boʻlishidan qatʼi nazar, eng yaxshi uchta ishtirokchiga topshiriladi — odam yoki robot.
Ishtirok etish uchun boʻyi 0,5 dan 2 metrgacha boʻlgan, gʻildiraksiz mustaqil harakatlana oladigan ikki oyoqli odamga oʻxshash robotlarga ruxsat beriladi. Talablardan biri — chanoq-son boʻgʻimidan oyoq panjasigacha boʻlgan minimal masofa 0,45 metrdan kam boʻlmasligi kerak. Robotlar ham avtonom, ham masofadan boshqariladigan boʻlishi mumkin, ammo batareyalarni almashtirish faqat yugurish paytida ruxsat etiladi.
Tadbirda ishtirok etish uchun robototexnika sohasida faoliyat yurituvchi 20 dan ortiq kompaniya ariza topshirgan. Marafonning asosiy maqsadi sunʼiy intellekt va robototexnika texnologiyalarining rivojlanish darajasini baholashdir.
Xitoy aholi qarishi va tugʻilishning pasayishi oqibatlarini bartaraf etish uchun sanoat va boshqa sohalarga aqlli robotlarni faol joriy etish niyatida. Bundan tashqari, mamlakat hukumati AQSH texnologik kompaniyalari bilan raqobatni kuchaytirishga intilmoqda.
