Rayan Gosling “Yulduzlar jangi” olamiga bagʻishlangan yangi filmdagi bosh rol haqida muzokaralar olib boradi. Ushbu loyiha “Skayukerlar afsonasi” bilan bogʻliq boʻlmagan mustaqil hikoya boʻlib, yangi qahramonlarni taqdim etadi.
Film rejissyori “Dedpul va Rosomaxa” (2024), “Bosh qahramon” (2021) va “Juda gʻalati ishlar” seriali bilan tanilgan Shon Levi boʻladi. Ssenariyni ilgari Levi bilan Adam loyihasi (2022) ustida ishlagan Jonatan Tropper yozgan. Film 21 Laps kompaniyasi tomonidan ishlab chiqariladi.
Loyiha ustida ishlash 2022-yilda boshlangan va “Yulduzlar jangi” hozirda Levi uchun ustuvor vazifa hisoblanadi. Agar Gosling taklifni qabul qilsa, suratga olish uning navbatdagi yirik loyihasi boʻladi va film allaqachon tasdiqlangan “Mandalores va Grogu” loyihasi chiqqandan soʻng franshiza uchun keyingi qadam boʻladi.
Syujet tafsilotlari hozircha ochiqlanmagan, ammo film klassik syujet chizigʻidan alohida boʻladi va unda Lyuk va Enakin Skayuoker kabi tanish qahramonlarni kutish mumkin emas.
