Oliy Majlis Senati “Banklardagi omonatlarni himoyalash kafolatlari toʻgʻrisida”gi qonunni tasdiqladi, deb xabar bermoqda parlamentning yuqori palatasi matbuot xizmati.
Hujjatga koʻra, omonatlarni himoya qilish vazifalari Omonatlarni kafolatlash agentligiga yuklatilgan boʻlib, u kompensatsiyalar toʻlash tartibini belgilaydi va oʻz faoliyatini tartibga soladi.
Qonunda omonat summasi 200 million soʻm yoki undan kam boʻlsa, omonatchilarga toʻliq miqdorda kompensatsiya toʻlanishi koʻzda tutilgan. Bunda kompensatsiya toʻlash muddatlari bosqichma-bosqich qisqartiriladi: 2025-yil 1-yanvardan boshlab toʻlovlar 20 ish kuni ichida, 2026-yildan 15 ish kuni ichida, 2027-yildan esa bank tugatilgan taqdirda atigi 7 ish kuni ichida amalga oshiriladi.
Yangi qonun bank tizimiga ishonchni mustahkamlash va omonatchilar manfaatlarini himoya qilishga qaratilgan.
