2024-yilda Oʻzbekistonga tashrif buyurgan fransiyalik sayyohlar soni sezilarli darajada oshdi. Maʼlumotlarga koʻra, yanvar-dekabr oylarida respublikaga 23 527 nafar Fransiya fuqarolari turistik maqsadlarda tashrif buyurgan. Bu oʻtgan yilning mos davri bilan solishtirilganda 4 879 nafarga yoki 26,2 foizga koʻp demakdir.
Fransiyalik sayyohlarning aksariyati Oʻzbekistonga sayohat qilish uchun keladi — 21 023 kishi. Bundan tashqari, 1 198 kishi qarindoshlarini yoʻqlash uchun, 1 174 kishi xizmat safarida, 67 kishi tijorat ishlari bilan, 65 kishi oʻqish uchun kelgan.
Fransiyadan sayyohlar oqimining oʻsishi Oʻzbekistonning madaniy merosi va diqqatga sazovor joylariga boʻlgan qiziqishning ortib borayotganini tasdiqlaydi.
